Garnbasar – CTE Garn

Me har i hovudsak tr leverandørar av garn. Den eine er Chester Wool CO i England og dei garanterer at alt garnet dei sel kjem frå dyr som vert behandla bra. Dei har sjølv vore rundt hjå dei ulike produsentane og sjekka at produksjonen foregår på ein tilfredsstillande måte.

Det er fleire av dei norske handfargarane som kjøper garnet sitt frå Chester wool, difor er det fullt mogleg å kombinera garn frå oss med garn frå andre.

Navna på garna har me gjort litt meir norske og kortare, det vart enklast sidan me skriv på banderolane for hand.

Nettsida deira finn du her:

https://www.chesterwool.com/

Den andre leverandøren er Rauma Garn. Der har me vald å ta inn tre sortar. Finull, Vams og Lamullgarn. Dei er heilnorske produkt og veldig mjuke og gode og vil koma i plantefargar.

Den tredje er Telespinn. Dei lagar fantastisk garn og har spesialisert seg på mohairgarn. Telespinn har eigne mohairgeiter på garden. Frå dette vesle spinneriet i Svartdal har me teke inn fleire sortar: Fivrel, Mari, Symre og Eir.

Det kan elles henda at det er knutar i garnet. Dette er vanskeleg å unngå og er gjort for å utnytta så mykje som mogleg av tråden som er spunnen. Utan å kunna skøyta saman trådar hadde det vore for mykje svinn i produksjonen og dette rår ikkje me over.